منتدى كل العرب

تعارف | صداقات |سياسة | ثورات | كرة قدم | رياضة مصرية وعربية | رياضة عالمية | اسلاميات | فقة | سنة | حديث | مطبخ | ديكور | ازياء | موضة |كروشية | مكياج | رشاقة | نكت | شعر | ادب | صور | فنانات| خواطر | قضايا | بيع | شراء | ايجار | سيارات | شقق |عقارات |
 
الرئيسيةمكتبة الصورس .و .جبحـثقائمة الاعضاءالتسجيلالمجموعاتدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» احدث المفروشات لتجهيزات حجرات الفنادق والمستشفيات-مصنع يونيفورم بالقاهرة01200561116 -0233354889
أمس في 10:26 pm من طرف jako jeko

» شركة اكرم لتصنيع اجدد موديلات لارواب التخرجGraduation_مصنع يونيفورم بالقاهرة
أمس في 9:20 pm من طرف jako jeko

» الهيتر الصينى من شركة كايرو تريد
أمس في 8:42 pm من طرف كايرو تريد

» uniformافضل شركة يونيفورم فى مصر لجميع انواع اليونيفورم(التصنيع بمصانعنا)01200561116
أمس في 7:59 pm من طرف jako jeko

» لوحات التحكم التايلاندية من كايرو تريد - احذرو التقليد
أمس في 5:21 pm من طرف كايرو تريد

» مصنع يونيفورم بالقاهرة _اكرم لتصنيع وتوريد جميع انواعuniformاليونيفورم0233354889
السبت 03 ديسمبر 2016, 11:58 pm من طرف jako jeko

» مصنع يونيفورم بالقاهرة _زى السكيورتى – ملابس الامن 0 شركات السيكيورتى و الهوسكيبنج – توريد ملابس وزى موحد
السبت 03 ديسمبر 2016, 11:37 pm من طرف nanaclever

»  بيع وتأجير ارواب التخرجGraduationوالكابات للجامعات والمدارس-شركات يونيفورم بمصر
السبت 03 ديسمبر 2016, 11:07 pm من طرف jako jeko

» مصنع يونيفورم بالقاهرة _مصنع ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
السبت 03 ديسمبر 2016, 10:32 pm من طرف nanaclever

» (شركات يونيفورم بمصرuniform)تصنيع وتوريد يونيفورم لجميع الدول العربية
السبت 03 ديسمبر 2016, 9:23 pm من طرف jako jeko

» مصنع يونيفورم بالقاهرة _يونيفورم ununiform ينيفورم السلام لجميع انواع الزى الرسمى (زى موحد ) 01118689995
السبت 03 ديسمبر 2016, 8:27 pm من طرف nanaclever

» مكبس العلف التركى من شركة كايرو تريد
السبت 03 ديسمبر 2016, 8:10 pm من طرف كايرو تريد

» قطع غيار المصانع من شركة كايرو تريد
السبت 03 ديسمبر 2016, 6:53 pm من طرف كايرو تريد

» سابقة اعمال لتريمف حول العالم
السبت 03 ديسمبر 2016, 4:30 pm من طرف كايرو تريد

» تصنيع مفروشات حسب طلب العميل بخامات عاليه الجوده لحجرات الفنادق والمستشفيات_شركة يونيفورم بمصر
الخميس 01 ديسمبر 2016, 11:42 pm من طرف jako jeko

أفضل 10 أعضاء في هذا المنتدى
LENA
 
ابو العيال
 
ابو عاصم
 
فاروق السيد سيف
 
ايمى
 
قطرى وافتخر
 
على حسن عبد العليم
 
ابوشادى
 
sheto
 
القيصر
 
المتواجدون الآن ؟
ككل هناك 13 عُضو متصل حالياً :: 0 عضو مُسجل, 0 عُضو مُختفي و 13 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 506 بتاريخ الأربعاء 02 مارس 2011, 11:12 am
احصائيات
هذا المنتدى يتوفر على 32857 عُضو.
آخر عُضو مُسجل هو Faycal Rahim فمرحباً به.

أعضاؤنا قدموا 23169 مساهمة في هذا المنتدى في 10389 موضوع
سحابة الكلمات الدلالية
هندي الافلام فيلم ممنوعة مباشر امير الحب تحميل مسلسل الفيلم فساتين ذئاب هندية هندى اغراء أفلام افلام مشاهدة ممنوع عربى الذئاب للكبار مباشرة العرض حمام عربية
بحـث
 
 

نتائج البحث
 
Rechercher بحث متقدم
المواضيع الأكثر نشاطاً
أثبت حــضـــــــــــورك ...أشراف ابو عاصــــــــم
مدرسة الحزن
إضحـــك مع الشـــعب المصـــرى ودمـــه الخفـــــيف الرجاء التواصل من الجميع
المقابله الثامنة....... ابو شادي معنا تحت الاضواء
مدرسة الفرح
لكل من يجد فى نفسه المقدره على الاشراف فليتقدم ..اشراف ابو عاصم
المقابلة السابعة مع الأخ ابو عاصم معنا تحت الأضواء
مدرسة حب الله
امتحانات وزارة الصحه الاماراتيه للصيادلة............
المقابله الرابعه مع الاخت ملاك العرب ايمي


شاطر | 
 

 رباعيــــــــات صـــــــلاح جــاهــيــــــــــن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جبل لبنان
شاعر منتدى كــــــــــل العــــــــــــرب






ذكر عدد الرسائل : 512
العمر : 51
العمل/الترفيه : مراسل حربى _ صحفى
تاريخ التسجيل : 21/12/2008

مُساهمةموضوع: رباعيــــــــات صـــــــلاح جــاهــيــــــــــن   الثلاثاء 15 يونيو 2010, 6:58 pm



رباعيات صلاح جاهين

رباعيات صلاح جاهين

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت ولا الحياه ؟
عجبي !!!


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!


ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي أنا سبتهم
و الا علي الفرص اللي ما سبتهمش
عجبي !!


و الكون ده كيف موجود من غير حدود
و فيه عقارب ليه و تعابين ودود ؟؟
عالم مجرب فات و قال سلامات
ده ياما فيه سؤالات من غير ردود
عجبي !!!


أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!


يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!


أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!


سهّير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!


كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!


عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!


رقبه إزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!


ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!


ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!


نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!


علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قَتلت ؟ ..... والا اتقتلت
عجبي !!


انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!


ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتى الخنازير و الكلاب شربوا منه
عجبي !!!!


يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة ؟؟ !!
عجبي !!!


شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!


أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!


إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!


إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!


يا حزين يا قُمقُم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!


في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!


الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!


علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!


إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!


نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!


- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!


وقفت بين شطين علي قنط رة
الكدب فين و الصدق فين يا تري
محتار ح اموت .. الحوت خرج لي وقالي
هو الكلام يتقاس بالمسطرة
عجبي !!!


سرداب في مستشفي الولاده طويل
صرخات عذاب ورا كل باب وعويل
.. وفي الطريق متزوقين البنات
متزوقين للحب و المواويل
عجبي !!


الدنيا أوده كبيره للانتظار
فيها ابن أدم زيه زي الحمار
الهم واحد .. و الملل مشترك
و مفيش حمار بيحاول الانتحار
عجبي !!


أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبي !!!


نسمة ربيع لكن بتكوي الوشوش
طيور جميلة بس من غير عشوش
قلوب بتخفق إنما وحد ها
هي الحياه كده .. كلها في الفاشوش
عجبي !!!!


يا طير يا عالي في السما طظ فيك
ما تفتكرشي ربنا مصطف يك
برضك بتاكل دود و للطين تعًًًًودً
تمص فيه يا حلو .. و يمص فيك
عجبي !!!


كروان جريح مضروب شعاع م القمر
سقط من السموات فؤاده انكسر
جريت عليه قطه علشان تبلعه
أتاريه خيال شعراء و مالهوش أثر
عجبي !!!


ياللي نصحت الناس بشرب النبيت
مع بنت حلوه .. وعود , وضحك , وحديت
مش كنت تنصحهم منين يكسب وا
تمن ده كله ؟ ... و الا يمكن نسيت
عجبي !!


ما حد في الدنيا واخد جزات ه
و لا حد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!


رقاصه خرسا و رقصه من غير نغم
دنيا . . يا مين يصالحها قبل الندم
ساعتين تهز بوجهه ا يعني
يترجرجوا نهديها يعني نعم
عجبي !!!


إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الفرس
الدنيا قالت .. قام خطفها الشيطان
عجبي !!!!


من بين شقوق الشيش و شقشقت لك
مع شهقة العصافير و زقزقت لك
نهار جديد انا . . قوم نشوف نعمليه
انا قلت يا ح تقتلني .. يا ح اقتلك
عجبي !!!


جالك أوان ووقفت موقف وجود
يا تجود بده يا قلبي يا بده تجود
ما حد يقدر يبقي علي كل شئ
مع إن – عجبي – كل شئ موجود
عجبي !!!


جالك اوان وعرفت مشي الجنايز
كيف شفتها يا عبد رب اللذايذ
قال : شفت شيل بالحيل فقير أو امير
كما شالوا في الخمامير فواضي القزايز
عجبي !!


أنا كنت شئ و صبحت شئ ثم شئ
شوف ربنا .. قادرعلي كل شئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!


يا مشرط الجراح أمانة عليك
و انت ف حشايا تبص من حواليك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!


كيف شفت قلبي و النبي يا طبيب
همد و مات و الا سامع له دبيب
قاللي لقيته مختنق بالدم وع
و ما لوش دوا غير لمسه من إيد حبيب
عجبي !!!!


تسلم يا غصن الخوخ يا عود الحطب
بييجي الربيع .. تطلع زهورك عجب
و انا ليه بيمضي ربيع وييجي ربيع
و لسه برضك قل بي حتة خشب
عجبي !!!


قلبي عليل يا ناس و في الكاس دواه
مديت له إيدي شربت م اللي حواه
جنبي الشمال خف .. اليمين اتوجع
و إيه يداوي الكبد م اللي كواه
عجبي!!

.. دي مزكرات و كتبتها من سنين
في نوتة زرقا لون بحور الحنين
عترت فيها .. رميتها في المهملات
وقلت صحيح أما صحيح كلام مخبولين
عجبي !!


دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي !!


- الدنيا من غير الربيع ميته
ورقة شجر ضعفانه و مفتته
- لا يا جدع غلطان تأمل وشوف
زهر الشتا طالع في عز الشتا
عجبي !!!


ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كبار
و ما لكش غير منقار و قادر تعيش
عجبي !!!!


سمعت نقطة ميه جوه المحيط
بتقول لنقطه ما تنزليش في الغويط
أخاف عليكي م الغرق .. قلت أنا
ده اللي يخاف م الوعد يبقي عبيط
عجبي !!


بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!


فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!


كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي !!


النهد زي الفهد نط اندلع
قلبي انهبش بين الضلوع و انخلع
ياللي نهيت البنت عن فعلها
قول للطبيعة كمان تبطل دلع
عجبي !!!


صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!


كرباج سعاده وقلبي منه انجلد
رَمَح كأنه حصان و لف البلد
و رجع لي نص الليل و سألني .. ليه
خجلان تقول انك سعيد يا ولد
عجبي !!!


مزيكة هادية الكون فيها انغمر
وصيف و ليل و عقد فل و سمر
يا هل ترى الناس كلهم مبسوطين
و يا هل ترى شايفين جمال القمر ؟
عجبي!!


إنشد يا قلبي غنوتك للجم ال
و ارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي !!


آه لو انا و محبوب جزنا الفضا
في سفينة وحدينا .. واشيا رضا
ساعة صفا تعجبنا نرجع لها
و الهم قبل ما ييجي .. يبقي مضى
عجبي !!


أنا إله الوجد رب الهي ام
أضرب بسهم الوهم وهم الغرام
و هم الغرام من كتر ما هو لذيذ
رشقت انا ف صدري جميع السهام
عجبي !!!


حدوته عن جعران و عن خنفسه
اتقابلوا حوا بعض ساعة مسا
و لا قال لهم حد اختشوا عيب حرام
و لا حد قال دي علاقة متدنسة
عجبي !!!!


ياللي عرفت الحب يوم و انطوى
حسك تقول مشتاق لنبع الهوي
حسك تقول مشتاق لنبع الغر ام
ده الحب .. مين داق منه قطره...ارتوى
عجبي !!!


زحام و أبواق سيارات مزعجة
للي يطول له رصيف.. يبقي نجا
لو كنت جنبي يا حبيبي أنا
مش كنت أشوف إن الحياة مبهجة
عجبي!!


إيديا في جيوبي وقلبي طرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقترب
عجبي !!


يا ميت ندامه ع القلوب الخلا
لا محبة فيها و لا كراهه ولا
حتى يا قلبي الحزن ما عادش فيك
معلهش .. لك يوم برضه راح تتملا
عجبي !!


مرحب ربيع مرحب ربيع مرحبه
يا طفل يا للي ف دمي ناغا وحبا
علشان عيونك يا صغنن هويت
حتي ديدان الأرض و الأغرب ة
عجبي !!!


فتحت شباكي لشمس الصب اح
ما دخلش منه غير عويل الرياح
و فتحت قلبي عشان ابوح بالألم
ما خرجش منه غير محبه و سماح
عجبي !!!!


غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون ... و ليه
رسمت ورده وبيت و قلب و علم
عجبي !!!


انا الذي عمري اشتياق في اشتياق
و قطر داخل في محطة الفراق
قصدت نبع السم وشربت سم
من كتر شوقي وعشمي في الترياق
عجبي !!!


انا الذي عشت الزمن مضيعه
بروح حزينة معفنة مضعضعه
زرعت شجرة سنط لجل انجرح
لقتها شعر البنت و مفرعه
عجبي !!


لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شئ
انا كنت اجيب للدنيا ميت ألف ابن
عجبي !!


العشب طاطا للنسايم و ن خ
أخضر طري مالهش في الحسن أخ
عصفور عبيط انا .. غاوي بهجه و غنا
ح انزلهنا.. و انشا لله يهبرني فخ
عجبي !!!


أوصيك يابني بالقمر و الزهور
أوصيك بليل القاهرة المسحور
و إن جيت في بالك .. إشتري عقد فل
لأي سمرا.. وقبري إوعك تزور
عجبي !!!!


غمض عينيك و ارقص بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ....تقع
عجبي !!!


حاسب من الاحزان و حاسب لها
حاسب علي رقابيك من حبلها
راح تنتهي و لابد راح تنتهي
مش انتهت أحزان من قبلها؟
عجبي !!!


يأسك و صبرك بين إيديك و انت حر
تيأس ما تيأس الحياه راح تمر
أنا دقت مندا ومندا عجبي لقيت
الصبر مر و برضك اليأس مر
عجبي !!


ولدي نصحتك لما صوتي اتنبح
ما تخفش من جني و لا من شبح
و ان هب فيك عفريت قتيل إسأله
ما دافعش ليه عن نفسه يوم ما اندبح
عجبي !!


ولدي إليك بدل البالون ميت بالون
انفخ وطرقع فيه علي كل لون
عساك تشوف بعينك مصيرالرجال
المنفوخين في السترة و البنطلون
عجبي !!!


خوض معركتها زي جدك ما خاض
صالب و قالب شفتك بامتعاض
هي كده...ما تنولش منها الأمل
غير بعض صد ورد ووجاع مخاض
عجبي !!!!


كام اشتغلت يا نيل في نحت الصخور
مليون بئونه و الف مليون هتور
يا نيل أنا ابن حلال و من خلفتك
و ليه صعيبه علي بس الأمور
عجبي !!!


منين أجيبها كلمه متألم ة
لعيبه فايره حايره و مصممه
منين اجيبها كلمه تكون بنت ارض
تشفي اللي ما شافهوش كلام السما
عجبي !!!


أنا قلت كلمة و كان لها معنيين
كما بطن واحده و توأمين زي وشين
لو دنيا شر.. التوأم الخير يموت
لو دنيا خير .. الشر ح يعيش منين
عجبي !!


أنا اللي بالأمر المحال اغتوى
شفت القمر نطيت لفوق في الهوا
طلته ما طلتوش إيه انا يهمني
و ليه .. ما دام بالنشوة قلبي ارتوى
عجبي !!


بره الإزاز كان غيم و أمطار و برق
ما يهمنيش – أنا قلت – و لا عندي فرق
غيرت رأيي بعد ساعة زما ن
و كنت في الشارع .. و في الجزمة خرق
عجبي !!!


عيني رأت مولود على كتف أمه
يصرخ تهنن فيه يصرخ تضمه
يصرخ تقول يا بني ما تنطق كلام
ده اللي ما يتكلمش يكتر همه
عجبي !!!!


يا عندليب ما تخافش من غنوتك
قول شكوتك و احكي على بلوتك
الغنوه مش ح تموتك إنما
كتم الغنا هو اللي ح يموتك
عجبي !!!


ياللي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
أجمل صفاته .. وانت راح توجده
عجبي !!!


حقرا و فوق كوكب حقير محتقر
في الكون تكون دنياكو إيه يا بقر
رملايه من صحرا ؟ لكين إيش تقول
و الكون بحاله جوه عقل البشر
عجبي !!


لا تجبر الانسان و لا تخيّره
يكفيه ما فيه من عقل بيحيره
اللي النهارده بيطلبه و يشتهيه
هو اللي بكره ح يشتهي يغيره
عجبي !!


ياللي في حماه الشمس تلقى الملاذ
و ألف بكره و بكره .. في ضلوعه لاذ
مين أنت ؟ مارد ؟ رب ؟ قال لأ ده بس
انا اللي باروي القمح و اسقي الفولاذ
عجبي !!!


غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي !!!!


البط شال عدى الجبال و البحور
ياما نفسي اهج .. احج ويا الطيور
أوصيك يا ربي لما اموت .. و النبي
ما تودنيش الجنه .. للجنه سور
عجبي !!!


طال انتظاري للربيع يرجع
و الجو يدفا و الزهور تطلع
عاد الربيع عرمرم شباب
إيه اللي خلاني ابتديت افزع ؟
عجبي !!!


و لو اتضنيت و فنيت وعمري انفرط
مش عاوز الجأ للحلول الوسط
و كمان شطط و جنون مانيش عاوز
يا مين يقول لي الصح فين والغلط
عجبي !!


عاد الربيع كأنه طعم الح ب
و الحب نار جوه العروق بتصب
اتمتع ازاي بيه وانا متقطع
من كتر خوفي لا في الخطيئة يطب ؟
عجبي !!


ازاي شبابنا يقوم و ياخد دوره
من غير صراخ يئذيه و يجرح زوره
يا هل ترى أحسن له يقعد ساكت
أو ينترك و لو خرج عن طوره ؟
عجبي !!!


عيني رأت عصفور ووياه ابنه
بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنوا
عجبي !!!!


احسن ما فيها العشق و المعشقة
و شويتين الضحك والتريق ة
شفت الحية . لفيت . لقيت الألذ
تغييرها . و ده يعني التعب و الشقا
عجبي !!!


عجبي على العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!


في الهو ماشي يا بهلوان إش إِش
يا فراشة منقوشة على كل وش
شقلبت عقلي و عقلي شقلبني
و كنت باحسبني بقيت ما اندهش
عجبي !!


وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!


الحلو يم اليم صابح رايح
سارح في حضن الميه سابح سايح
الحلو داب في البحر , قلت أدوقه
وجدت لسه البحر برضك ما لح
عجبي !!!


يا كل كلمة للعجب في قاموس
انسكلوبيديا لسان العرب أو لا لاروس
تعالوا نجدة . ده لسه في عصرنا
الشمس و البحر العريض بالفلوس
عجبي !!!!


الموج تلول تهبط وتطلع تلول
يا بحر خدني الشط صاحبك ملول
و الا بلاش الشط ح اعمل به أيه
ده ريحته طحلب مهري و ام الخلول
عجبي !!!


جبل لبنان



 الموضوع الأصلي : رباعيــــــــات صـــــــلاح جــاهــيــــــــــن  المصدر : منتدى كل العرب

Share





 الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

رباعيــــــــات صـــــــلاح جــاهــيــــــــــن

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كل العرب :: منتدى الادباء والشعراء :: منتدى الشعر والشعراء-
© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونة